السلام عليكم ورحمة الله و بركاته
يارب تكونوا بخير علطول و كلو يكون تمام
وحشتنى الكتابه هنا اوى و طبعا مش هبطل
مع انى فكرت فكدا كتير بس شكل الشعر دا ادمان
المهم بلا رغى ندخل على اللعبه
فاكره لما بعدنا فيوم كنت هموت
كنا بنلعب كنت بقولها بعلو الصوت
هقدر ابعد عنك عادى و عمرى يفوت
هقدر ابعد هقدر اقسى
ولا هفتكرك هقدر انسى
اسأل قلبى هعاند لسا ..!
يرد يقول
سيبنى فحالى انا مقتول
انا من غيرها ولا اقدر اعيش
عمرى حياتى دى ماتساويش
بنبض ليها و عايش فيها
ولو بردانه انا ادفيها
ولو زعلانه وجودى يكفيها
يخلى حبيبتى تحس هوايا
تقولى كفايا
ارد اقول زهقتى خلاص ..!
تقولى حبيبى يا اغلى الناس
عمرى ما هقدر ازهق منك
تعبت ليك يا حبيبى اكمنك
جبت الدنيا جوا اديا
و انت حبيبى اكيد فعنيا
مش محتاجه غيرك انت
فاكر اول كلمه امتى ..!؟
قلت بسرعه طبعا فاكر
قلبى رجعلى بعد ما هاجر
فاكره حبيبتى احلى الاوقات
كنت بقول الوقت دا فات
بسرعه ليه ...!؟؟
كنت انا باخد قلبك منك
اصل انا برضو عايش بيه
كنت بشوفك اطمن خوفك
كنت بدوب وياكى فكسوفك
كنت عليكى بجد بغير
كنت بقول ملهاش تغير
هيا حبيبتى و هيا حياتى
هيا ماضيا و ذكرياتى
اجمل غنوه فأغنياتى
و حبى دا ملهوش تفسير
كنا بجد اتنين عشاق
لازم يجى وقت فراق
قصه كتبها قدرى و قدرك
تيجى فيوم وسط غيوم
تبصى لقمرك
تلاقى عليه اترسمت صوره
مش باينالك او مكسوره
فيها حبيبك انا مشنوق
باصص ليكى بكل شوق
نفسى افوق
اه هنطقها هفضل احبك
حتى بروحى هفضل ليكى
شيلى دموعك دى بتقتلنى
محبش انى اصعب عليكى
لازم نبعد همشى بعيد
بس فيوم يا حبيبتى اكيد
هنرجع تانى
خلى القلب اللى اتمنانى
يستنانى
متشوفنيش دلوقتى حبيبتى
خايف ابكى قصادك انتى
خايف دمعه فعينى تشوفها
تذود خوفها
اه يا زمانى ليه البعد
ليه تقتلنى ليه العند
ليه توجعنى
طب رجعنى
هسامحك بس اشوفها ثوانى
و هرجع تانى ابعد عنها
ربى يعينها
و برضو يعيننى
صوتها بجد يا قلبى وحشنى
لعبنا لعبه وقولت زمان
هقدر ابعد و انسى كمان
بس اديها اللعبه بجد
عايشين فيها
و كل حد
نفسو تخلص نرجع لينا
نرجع واحد
اه يا زماننا ياللى بالينا
هرضى و همشى و هعمل ايه
ربى يعيننى عاللى انا فيه
من طرف 
موضوع: قصيدة (^( كـانــت لعـبــه )^)..! 
